CCXXXIV.

1353, August 6. Prag.

König Karl IV. befiehlt den Behörden der Städte Neisse, Glatz und Frankenstein die Klosterunterthanen nicht zu belästigen.

Karolus dei gracia Romanorum rex semper augustus et Boemie rex magistris civium, iudi cibus, . . consulibus et iuratis Nisensis, Glacensis et Frankensteinensis civitatum fidelibus nostris dilectis graciam regiam et omne bonum. Quia religiosos . . abbatem et conventum monasterii Camen. ordinis Cist. Wratislaviensis diocesis cum universis et singulis bonis monasterii sub alis nostre protectionis assumpsimus dudum temporibus retroactis, idcirco fidelitati vestre precipimus et seriose mandamus, quatenus adversus quoslibet homines, qui in bonis sive villis dicti monasterii, puta Byczan, Nussin, Reichenow, Schrom et Wolframsdorf seu hominibus inibi manentibus aliquam violentiam, gravamen aut molestiam fecerint, iuxta ipsius abbatis aut eius, qui suo aut monasterii sui nomine super talibus conquesti fuerint, faciatis iustitiam dilatione et contradictione quibuslibet proculmotis, nullam in hoc sub obtentu regalis gracie negligentiam comissuri. Datum Prage VIta die Augusti, regnorum nostrorum anno Romani octavo, Boemie vero septimo.
Ad relationem domini J. electi Nuembergensis Franciscus.

Or. Perg. Das innen aufgedrückte S. ist vollständig abgefallen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.